CULTURA CRECHA

ULTIMA SESIÓN DE CURTAS DESTE CURSO

2006-06-15T18:35:00.000+02:00

Este luns teremos a última sesión de proxección de CURTAS deste curso, dentro da
ON & OFF REDE DE CURTAS que organiza Mr. Misto Films.

Sesión especial OBRADOIROS

ÚLTIMA VONTADE Burela (Lugo)
A CADROS Vilagarcía (Pontevedra)
PAQUETE Ribadeo (Lugo)
VOANDO Allariz (Ourense)
ERASMUS Ourense
MIMO Lugo
O AVÓ Vilar de Santos (Ourense)
ESTÁS BUENÍSIMA Boiro ( A coruña)

NON AS PODEDES PERDER!!!

O LUNS 19 DE XUÑO ás 21:00 na CASA DAS CRECHAS

FAI FUNKY, MEU!

2006-05-19T15:05:00.000+02:00

O seu lema é FAI FUNKY, MEU!!
Veñen dispostos a dar o “funkeirazo”!!!
LORETTA MARTIN, un grupo de calidade, con gusto e con moitas ganas de facer cousas novas que poderedes disfrutar de novo o MARTES, 23 DE MAIO ás 22:30 na Casa das Crechas coa presentación do seu primeiro disco.

Nova sesión de CURTAS!!!!

2006-05-19T12:57:00.000+02:00

O LUNS 22 DE MAIO ás 21:00 teremos unha nova sesión de proxección de CURTAS, dentro da ON & OFF REDE DE CURTAS que organiza Mr. Misto Films.

Desta vez, as curtas que poderemos ver son:

-Birth school work death
-Mais madeira
-O intruso
-La mas breve historia de amor jamás contada
-Sintonía

NON AS PODEDES PERDER!!!

ARRANCA O MATCH DE IMPROVISACIÓN TEATRAL!!

2006-05-12T19:14:00.000+02:00

.Imaxinade unha cousa que se fai da mesma maneira en Arxentina, Francia, Italia, Brasil, Zaire, Suiza, México, Antillas…
.Imaxinade un grupo de persoas facendo algo moi divertido. Vestidos.
.Imaxinade un deporte que teña entre as súas reglas a “Falta por barullo”.
.Imaxinade un partido no que sexa o público o que decide quen gana.
.Imaxinade un árbitro mais astuto que Rafa Guerrero.
.Imaxinade ter 20 segundos para montar un sketch cómico.
.Imaxinade ter que montar un sketch tráxico sin poder rir.
.Imaxinade “Na cola do Inem” ao estilo das pelis de superheroes.
.Ou “Winnie the pooh atopa aos Teletubbies” ao estilo de “O Padriño”.
.Ou “O enterro da tía avoa” ao estilo de Nacho Vidal.
.Imaxinade a un músico de fama comarcal acompañando en directo as improvisacións.
.XA ESTÁ!

O MATCH DE IMPROVISACIÓN TEATRAL

LUNS, 15 DE MAIO ÁS 22:30

NON O PERDADES!!
HABERÁ RISAS A ESGALLA!!!

JAZZ NAS CRECHAS

2006-05-09T22:27:00.000+02:00

Héctor Lorenzo (voz) e Pablo Seoane (piano) fan jazz.
O seu repertorio está formado por standards ecomposicións propias, pasando por sambas ou boleros.Pero os temas sempre son tratados como base para aimprovisación; para, en definitiva, facer jazz.

Estarán o xoves 11 de maio ás 22:30 na CASA DAS CRECHAS

Curtas!!

2006-05-06T22:51:00.000+02:00

A CASA DAS CRECHAS e
MR. MISTO FILMS proxectan:

-La buena caligrafía
-Rosas
-Lobos
-Máxima pena
-Redondeo

Dentro da ON & OFF Rede de Curtas.

Luns, 8 de maio ás 21:00
na Casa das Crechas

Noites do Brasil...

2006-05-02T23:19:00.000+02:00

Volta Fredy Fevereiro para deleitarnos cun concerto cargado de música brasileira. Non o perdades!!! O xoves 4 de maio ás 22:30.

Aí vén o maio!!!

2006-05-01T21:44:00.000+02:00

Os maios traen consigo moito que ver e disfrutar na Casa das Crechas.
Coma sempre as noites dos mércores estan gardadas para os foliadeiros e as foliadeiras e as dos venres e os sábados para a música que nos ofrecen os nosos Dj’s.
Maio tamén é o mes no que arranca de novo o Match de improvisación teatral, un espectáculo que mestura teatro, xogo, deporte… e co que, seguro, botaremos moitas risas; será os luns 15 e 29 ás 22:30.
E seguimos coa ON & OFF Rede de Curtas os luns 8 e 22 de maio. Este mes ofrecemos títulos como “Redondeo”, “Lobo” e “Rosas” entre outros.
A música brasileira segue tendo un papel importante nas Crechas, Fredy Fevereiro actuará de novo o xoves 4 ás 22:30 e o arxentino Diego Massimini volta do seu país natal para seguirnos ofrecendo o seu repertorio os xoves 18 e 25 ás 22:30.
O xoves 11 contaremos cun dúo moi interesante, piano e voz da man de Hector Lorenzo e Pablo Seoane.
E o martes 23 regresan de novo e con moita forza o grupo Loretta Martin para presentarnos o seu primeiro disco. Será tamén ás 22:30
Xa vedes, música, teatro, cine… Agardámoste na Casa das Crechas!!!

Pedro Luís Ferrer en concerto!!

2006-04-23T17:56:00.000+02:00

Pedro Luís Ferrer, cantor e compositor cubano que comeza a súa traxectoria profesional no 1970, actualmente realiza un proxecto experimental baseado nas esencias da música tradicional cubana menos exploradas, como o changüí de Guantánamo e os Coros de clave de Sancti Spíritus. Con tres músicos acompañantes: Lena Ferrer, Lerlys Morales e Basilio Perodín; explota as sonoridades de instrumentos como o tres, a guitarra, o caixón peruano, claves, cencerros, bongó, güiro e a marímbula (o primeiro baixo usado no “son” e actualmente en desuso). Expresou que non se considera un tradicionalista senon un recreador da tradición.

O mércores, 26 de abril teremos a inmensa sorte de poder velo nas Crechas ás 22:30. Entrada:5€

As Crechas celebramos o aniversario da Revolución dos Cravos na Sala Nasa

2006-04-21T12:31:00.000+02:00

CRAVOS EN COMPOSTELA
(A festa galega do 25 de Abril)

É xa tradicional celebrar o 25 de abril na cidade de Santiago de Compostela. Un grupo de persoas xuntámonos nas Crechas para lembrar aquela data arredor das músicas máis emblemáticas daqueles tempos. Este ano contamos coa colaboración da Sala Nasa para permitir un maior aforo e participación. Pero non é unha celebración nostálxica porque pensamos que ainda hoxe está vixente para nós o espíritu daquela fermosa revolución e consideramos que é unha maneira de facer patente a simpatía e a proximidade con Portugal. Este ano temos a inmensa sorte de poder contar con Zeca Medeiros (Açores) que traerá das súas illas todo o sabor da cultura atlántica e as súas máis recentes composicións. Tamén contaremos cunha das voces máis fermosas de Galiza e unha persoa intimamente ligada á Casa das Crechas: Uxía Senlle
A festa seguirá coa Banda das Crechas que convidará a distintos artistas de Galiza e Portugal e rematará coa interpretación por parte de todos os participantes de “Grândola Vila Morena”.

MARTES, 25 DE ABRIL ás 22:00 na SALA NASA

Entrada: 8 €

SHAMS nas Crechas

2006-04-17T13:09:00.000+02:00

NAJLA SHAMI pasou por moitas formacións de diversos estilos, dende o pop-rock ata a música vocal a capella pasando polo folk, funk,brasileiro e jazz que axudaron e influiron no seu eclecticismo musical que fai que derive na música de raiz concretamente na técnica vocal hindú que despois dunha viaxe á India, transformou a súa concepción da ensinanza e do canto nunha búsqueda de equilibrio entre corpo, mente e espíritu como parámetro esencial para un crecemento da técnica e emoción vocal.
HECTOR LORENZO, mùsico e compositor, basa a súa formación maiormente na BossaNova aínda que poidamos enmarcalo tamén nunha estética funk. Comenza antes do 98' con un repertorio puramente brasileiro para logo embarcarse en diferentes proxectos.

Os dous forman o dúo SHAMS que actuará na Casa das Crechas o próximo XOVES, 20 DE ABRIL ás 22:30

Roberto Sobrado nas CRECHAS

2006-04-10T14:00:00.000+02:00

Dende o exilo en Liverpool, volta ROBERTO SOBRADO para presentarnos Agasallos sen promesas e un feixe de cancións novas que dan forma ao seu novo ( e vello) proxeto acústico. Poderemos escoitalo o martes 11 ás 22:30.

CURTAS NAS CRECHAS

2006-04-08T18:02:00.000+02:00

A Casa das Crechas incorpórase nesta tempada á “Rede de Curtas” na ON&OFF 2 REDE de Curtas, unha programación de máis de 30 Curtas que se van proxectar nos vindeiros meses. Filmes producidos no 2005 polos principais produtores do panorama estatal que presentarán as súas obras máis recentes. Títulos como Choque de Nacho Vigalondo, Madres de Mario Iglesias, O Boiro de Fernando Cortizo, El Examinador de José A. Pajares, etc. Producións achegadas de Euskadi, Madrid, Catalunya, Valencia, Andalucía e por suposto de Galiza.

A Casa das Crechas programa o ON&OFF 2 REDE de Curtas, un novo referente na cultura audiovisual. Unha proposta coa finalidade de promover e difundir o xénero pequeno, que non menor, do cine convencional. Repartindo as curtas a concurso en seis sesións de cinco pezas, trátase de implicar ao público requerindo a valoración das mesmas, xa que serán eles quen outorguen os principais premios da ON&OFF 2 REDE de Curtas.

Esta rede de curtas é un proxecto de difusión audiovisual que amosa unha parte itinerante, ON, e unha parte máis convencional ao xeito de festival clásico, OFF, asentado xa na 2 edición en Ribadeo, logo da acollida excepcional da primeira edición celebrado o 19-20-21 de Agosto do 2005, co Primeiro Curso de verán da Curtametraxe.

Dende o 2003 Mr Misto Films ven promovendo o que se tiña considerado unha auténtica quimera, un propio sistema de difusión audiovisual, unha “REDE de Curtas”, pois aínda hoxe existen certos problemas pendentes de resolución con respeito á difusión da curta como a comercialización, distribución e exibición. Certo é que existen uns cantos eventos e festivais consolidados onde a curta vén tendo un tratamento especial como o Festival de Curtas Vila de Noia, o XoCiViGa de O Carballiño, o Certamen Audiovisual Liceo-Casino de Vilagarcia de Arousa, etc.

Mais o proxecto de Mr Misto Films “REDE de curtas” diverxe un pouco da concepción clásica de festival de cinema ou de Curtas. REDE de Curtas neceu coa pretensión de ser unha REDE regular de exibición de pezas de curta duración, cunha difusión xeralizada e chegar ao maior número de espazos de promoción cultural cunha programación permanente e estábel.

Cunha programación regular, continuada ao longo do tempo, conséguese por unha banda fidelizar un público cun achegamento xeralizado (tan necesario para coñecermos os novos directores, produtores e familiarizarse coas novas caras do audiovisual) e por outra asentar unha auténtica indústria e poder rendabilizar dalgún xeito a produción de curtas. Con este novo sistema estase a xerar rendimentos económicos para os novos produtores complementando a rendabilidade dos circuitos de festivais (privilexio daquelas pezas que acadan premios, ademais das axudas á produción e a venda televisiva)

Engadir a programación de curtas no mundo do Café-Teatro e do Café-Concerto amósase necesaria para manter prendida a chama do ON&OFF 2 REDE de Curtas. E A Casa das Crechas abre as portas á exibición audiovisual.

A gozar coas curtas
Coas pequenas grandes historias.

Xoán Mariño
Director de Mr Misto Films

ESTE LUNS PODEREMOS VER

MADRES de Mario Iglesias
PAPÁS Y MAMÁS, de Moisés Romera e Marisa Crespo
K.O de Nicolás Tapia
TAQUETESIS de Genoveva Navarro
TEKI de Alberto Esteban

Luns, 10 de abril ás 21:00

NON O PERDADES!!!!

Noites do Brasil nas Crechas con FREDY FEVREIRO

2006-04-04T15:55:00.000+02:00

Fredimir Clóvis Da Silva, naceu en Brasil o 18 de maio de 1969, no estado de Paraná onde viviu ata os 7 anos. A esta idad a súa familia trasládase definitivamente á cidade de Jundiai, interior de Sao Paulo.
Fredy crece no medio dunha familia con dúas paixóns moi acentuadas: a música e o fútbol.
No 1993 cunha boa experiencia musical, sae para Europa con destino Suiza e Italia pero co obxectivo do fútbol.
Pasa o tempo e sin darse conta xa tiña moitos contactos musicais en Suiza e Francia onde, despois de parar de xogar ao fútbol, comenzou a ser requerido por músicos que tiñan traballos para el, chegando a actuar no coñecido Montreaux Jazz Festival como baixista, en Fete de la Cite en Lausanne (Suiza) e en eventos e hoteis, actuando tamén por Francia, Alemaña e Italia. Como guitarrista e cantante comenzou a actuar interpretando cun estilo propio a música popular brasileña.
No ano 2000 regresa ao Brasil cun CD titulado DESDE QUE O SAMBA É SAMBA grabado coa colaboración de experimentados músicos brasileños entre os que cabe destacar a Ademir Candido, Mauro Martins, etc…
Este CD conténe 11 temas escollidos para interpretar, dunha forma sutil e con estilo propio, a guitarra clásica eléctrica con cancións onde se procura unir o gusto musical do Jazz e a Bosa Nova.
No ano 2005 volveu a Europa participando nos Festivais de Verán de París, Montreaux e Barcelona chegando despois á Coruña en busca dun espazo onde mostrar a súa música. Nesta cidade actuou nos pubs Área Crítica, Samba No Pé y Café Bamba.

O xoves poderedes velo na CASA DAS CRECHAS!!! Ás 22:30

Quico Cadaval na Casa das Crechas o luns 3 de abril ás 22:30

2006-04-01T04:53:00.000+02:00

PROGRAMACIÓN DO MES DE ABRIL

2006-03-31T12:39:00.000+02:00

No mes de abril na CASA DAS CRECHAS contaremos con QUICO CADAVAL, impulsor do movemento de contacontacontos xurdido en Galiza na década dos noventa e, hoxe en día, un dos mellores contacontos do país. Será o luns 3 ás 22:30 e haberá que pagar unha entrada de 5 € .
Dentro das nosas habituais "Noites do Brasil" xoves 6 ás 22:30 contaremos coa presenza de FREDY FEVREYRO , un brasileiro afincado na Coruña que nos interpretará temas de Djavan, Chico Buarque e Caetano Veloso, entre outros.
Como moitos/as de vós xa saberedes, nesta tempada a Casa das Crechas incorpórase á ON & OFF 2 Rede de Curtas, unha programación de máis de 30 curtametraxes que se van proxetar nos vindeiros meses. Filmes producidos no 2005 polos/as principais produtores/as do panorama estatal que presentarán as súas obras máis recentes. Poderemos ver un novo pase o luns 10 ás 21:00.
Dende o exilo en Liverpool, volta ROBERTO SOBRADO para presentarnos Agasallos sen promesas e un feixe de cancións novas que dan forma ao seu novo ( e vello) proxeto acústico. Poderemos escoitalo o martes 11 ás 22:30.
E por último, este ano celebramos o aniversario da Revolución dos Cravos na SALA NASA. Faremos unha festa-concerto-foliada na que contaremos con ZECA MEDEIROS E A SÚA BANDA, UXÍA SENLLE e A BANDA DAS CRECHAS. Será o martes 25 de abril ás 22:00. Entrada 8 €

NON O PODEDES PERDER!!!

A Casa das Crechas cumple 19 anos e nace CULTURACRECHA, a nosa (E VOSA) revista cultural

2006-03-29T21:07:00.000+02:00

Podíamos começar dezindo: ja hà 19 anos!; ou máis poético e tópico: fai 19 anos que tinha 19 anos…,cousa que aparte nom se ajusta à realidade. Máis quero começar dezindo que com estes 19 anos remata umha etapa da Casa das Crechas, umha etapa de consolidaçóm, umha etapa moi proveitosa e pola que pasarom, deixando parte de sí, moitas pessoas, que agora sería longo citar e ao milhor injusto, dado que podería deixar de nomear a alguém. Pessoas às que em este ano 19, caminho do 20 aniversário, reconhecermos, com diferentes propostas, cómo protagonistas da, aínda, pequena história da CdC.

Começa neste ano 19 um novo ciclo, no que a CdC tem que jogar, cómo ja o fixo ate de agora, um papel importante na paissage cultural de esta cidade, e por que nom, de este País. Ano 19, ano de transiçom, como todos, pero no que aconteceram mudas importantes, marcando o desenvolvemento futuro da CdC e a afiançarán como referente de um conceito que podemos definir, frente à cultura expositiva e dos grandes investimentos, cómo cultura de peto. Um conceito que reflecta esa realidade cultural que se desenvolve en espaços de liberdade e fora dos circuitos “oficiais”, e que dá a conhecer umha corrente moito importante de creatividade e talento.

Máis nom devemos de esqueçer que a CdC é fundamentalmente umha taberna, baiuca, bar , pube…umha “capilha” máis de esta cidade, ónde se celebra a liturgia bacónica, que nom lacónica, aínda que nalguns casos sí, da comunión de tod@s con tod@s, onde ás pócimas, sempre bem preparadas polos oficiantes Mario, Pedro, Casio, Sara, Iván, Rocío…, ajudan a que os nossos espíritus transcendan da materialidade, nalguns casos escassa em outros abundante, dos nossos corpos e cavalguen, em todo senso, pola regiom, sempre interessante das ideias…,aínda q tamén, hà cada ideia que…

Devo rematar ja, só me deixan espaço para umhas 10 línhas, e nom quero estenderme, ja que o farei en próximos números de esta CULTURACRECHA, revista que, com a firme vontade de Noa, naçe com vocación, como nom deve ser de outro jeito, de dar voz e imagen a quem queira colaborar em um novo canal que ,de momento, pretende ponher em valor as opinions, os feitos e todo aquilo que aconteçe no ámbito da CdC, e de todo o que aconteçe no ámbito da sociedade, porque ésta publicaçom deve ser umha columna máis de este contenedor que é CdC.

Remato ja, máis non quero fazer-o sem antes tributar homenagem a tod@s os, como antes dezía, que contribuiron e contribuien, e aos que nom tamén, a que hoje CdC cumpla os seus primeiros 19 anos. Pessoas que som o cimento, o alicerce dos novos retos que lle espera à Casa das Crechas do século XXI.

SAÚDE!

Chick e Paddy en concerto

2006-03-28T18:52:00.000+02:00

Dúas figuras moi importantes da música tradicional de Escocia
e, como as andurinas, visitantes perennes en Galiza e Asturies.
Paddy, coñecido por tocar o violín no grupo Cornerhouse, asociose hai uns anos con Chick, un dos primeros exponentes do estilo guitarra dadgad.
Xuntos,tocando en todo Europa, estenden os orizontes para incluir
a música canadiense, bretona, galega e asturiana cun
repertorio xa cheo de cancións e temas de Escocia e Irlanda
realizado nos discos midnight sessions
e beyond the pale

MARTES, 28 DE MARZO ás 22:30